Lionel Messinin formasını geyindiyi “İnter Mayami” MLS-də növbəti matçını keçirib.
Komanda azarkeşləri önündə “Neşvill”i qəbul edib. Qarşılaşmada qapılara qol vurulmayıb.
Argentinalı futbolçu bu görüşdə start heyətdə meydana çıxıb və sona qədər oynayıb. Messi “İnter Mayami”yə gəlişindən sonra ilk dəfə meydanı qol və ya asistsiz tərk edib. Bu, onun rəqib qapılarına yol tapa bilmədiyi ikinci matçdır.
Eyni zamanda, onun gəlişindən sonra Mayami təmsilçisi ilk dəfə bir qarşılaşmanı qolsuz və qələbəsiz tərk edib.
“İnter” MLS-də 24 oyundan sonra 22 xalla 14-cü sırada qərarlaşıb.
Qeyd edək ki, Messi ABŞ təmsilçisinin heyətində meydana çıxdığı ümumilikdə 10 oyunda 11 qol vurub və 3 məhsuldar ötürmə verib.
