“Qarabağ” “Flamenqo”nun Olavio Juninyonun transferi ilə bağlı ilk təklifini rədd edib.
Futbolinfo.az xəbər verir ki, bu barədə Braziliya mətbuatı məlumat yayıb.
Buna baxmayaraq, “Flamenqo” keçidi reallaşdırmaqda israrlıdır. Çünki hücumçu axtarışında olan rəhbərlik Juninyonun özü ilə həm maaş, həm də müqavilə müddətində hərtərəfli anlaşıb. Braziliyalılar artıq bu gün keçidi yekunlaşdırmağa çalışacaq. Bu səbəbdən yeni təkliflə “Qarabağ”ın qapısını döyəcəklər. “Flamenqo” bu dəfə 5-6 milyon avro aralığında məbləğ təklif edəcək. Transferin bu həftə rəsmiləşməsi gözlənilir.
Qeyd edək ki, “Qarabağ”a ilk təklif “Sevilya”dan gəlsə də, futbolçu son anda İspaniya klubundan imtina edib.
