“Qarabağ”ın futbolçusu Abdullah Zubir karyerasını Fransa Liqa 1-də davam etdirə bilər.
Vətəninfo.az xəbər verir ki, 32 yaşlı vinger sözügedən çempionatda çıxış edən bir neçə klubun maraq dairəsindədir. Bu barədə “Le Quotidien du Sport” məlumat yayıb.
Fransalı yarımmüdafiəçinin “Tuluza”nın maraq dairəsində olduğu bildirilib. Zubirin adı daha bir neçə Liqa1 klubunun transfer siyahısında yer alıb.
Futbolçu uğrunda mübarizənin asan olmayacağı, Şotlandiyanın “Seltik”, Almaniyanın “Auqsburq” və Səudiyyə Ərəbistanının “Ər-Riyad” klublarının onu heyətlərinə qatmaq istədiyi vurğulanıb.
Xatırladaq ki, 2018-ci ildən “Qarabağ”da çıxış edən Zubirin Ağdam klubu ilə müqaviləsi 2024-cü ilin iyununda başa çatır.
