Türkiyə milli futbol yığması gələn il keçiriləcək Avropa çempionatına vəsiqə qazanmaq uğrunda qrup oyununda doğma meydanda Latviya yığmasını qəbul etdi.
Milli komanda rəqibi 4:0 hesabı ilə məğlub edərək, EURO-2024-ə vəsiqə qazandı.
Qolları Yunus Akgün, Cenk Tosun (2) və Kərəm Aktürkoğlu rəqibin qapısından keçirdi. Bununla da Türkiyə 16 xalla qrup liderliyində mövqeyini möhkəmləndirdi. Yığma komandanın qrupda bir oyunu qalıb.
Milli komanda sonuncu qrup qarşılaşmasını səfərdə Uels millisi ilə keçirəcək. Həmin qarşılaşmanın nəticədən asılı olmayaraq, “ay-ulduzlar” gələn il Almaniyada təşkil olunacaq EURO-2024-ə vəsiqəni təmin etdi.
