Türkiyə Qızıl Aypara Cəmiyyətinin Qəzza üçün hazırladığı 5 066 ton humanitar yardımın yükləndiyi gəmi Mersin Beynəlxalq Limanından yola düşüb.
Vətəninfo.az xəbər verir ki, oktyabrın 7-dən etibarən İsrailin hücumlarına məruz qalan Qəzza zolağındakı Fələstin xalqına ərzaq, uşaq ləvazimatları və qlütensiz məhsullardan ibarət 5 066 ton yardım materialını daşıyan gəmi yola düşüb.
Məlumata görə gəmi təxminən 48 saatdan sonra Misirin Əl-Ariş limanına çatacaq.
Qeyd edək ki, humanitar yardım materialları yük maşınları ilə Rəfah sərhəd-keçid məntəqəsinə aparılacaq.
Buradakı gömrük prosedurlarından sonra materiallar Fələstin Qızıl Aypara Cəmiyyətinə təhvil veriləcək.