ABŞ, Böyük Britaniya, Avstraliya, Bəhreyn, Kanada və Hollandiya birgə bəyanat yayaraq, müttəfiqlərin dəstəyi ilə Britaniya və ABŞ qüvvələrinin Yəməndə husilərin səkkiz hədəfini vurduğunu bildirib.
Vətəninfo.az xəbər verir ki, bəyanat Böyük Britaniya hökumətinin saytında dərc olunub.
Husilərin yeraltı anbarları və yaraqlıların raket və havadan idarəetmə sistemlərinin hədəfə alındığı bildirilir.
Husilərin “Ənsar Allah” hərəkatının mətbuat xidməti bu məlumatı təsdiqləyib və qeyd edib ki, ABŞ və Böyük Britaniya Yəmənin paytaxtı Səna və bir neçə əyaləti vurub.
