Bəhreynin “Ət-Tufan” hakerlər qrupu Amerika Hərbi Dəniz Qüvvələrinin 5-ci Donanmasının gəmilərinin bort sistemlərinə hücum ediblər.
Vətəninfo.az xəbər verir ki, bu barədə İranın Fars xəbər ajansı məlumat yayıb.
Hakerlər məxfi sənədləri ələ keçirdiklərini bildirərək mesaj veriblər: “Bizdə olan daha vacib bir şeydir və o,
Amerikanın şər planına qarşı “Müqavimət oxu”nu dəstəkləyənlərin əlinə keçəcək”.
Qeyd edək ki, ABŞ Hərbi Dəniz Qüvvələrinin 5-ci Donanmasının əsas bazası Bəhreynin paytaxtı Manamada yerləşir.
“Müqavimət” İranın regiondakı proksi qüvvələrinə istinad etmək üçün istifadə etdiyi termindir.
