Hindistan və Yaponiya quru qüvvələri Racastan ştatının qərbindəki Mahacan poliqonunda beşinci illik “Dharma Guardian” taktiki təliminə başlayıb. Bu barədə Vətəninfo.az TASS agentliyinə istinadən xəbər verir .
Təlimlər martın 9-dək davam edəcək. Onların məqsədi iki ölkə hərbçilərinin döyüş əməkdaşlığını gücləndirmək və birgə əməliyyatlar zamanı əməkdaşlığı artırmaqdır.
Təlimdə Yaponiya Silahlı Qüvvələrinin 34-cü Piyada Alayının və Hindistanın “Rajputana Tüfəngləri” Ordu Batalyonunun əsgərləri iştirak edir.
Hindistan və Yaponiya hər il “Dharma Guardian” quru qüvvələrinin birgə təlimi, eləcə də dəniz və hava qüvvələri təlimləri keçirir.
2015-ci ildən Yaponiya da Avstraliya, Hindistan və ABŞ tərəfindən keçirilən Malabar dəniz təlimlərinin daimi iştirakçısına çevrilib .
