Hindistan Dəmir Yolları yük qatarının maşinistsiz 70 km-dən çox hərəkət etməsindən sonra araşdırmalara başlayıb. Vətəninfo.az-ın məlumatına görə , bu barədə BBC məlumat yayıb.
Qatarın Cammu və Kəşmir ştatının Kathua şəhərindən Pəncab əyalətinin Hoşiarpur rayonuna maşinistsiz hərəkət etdiyi bildirilir. Hadisə fevralın 25-də yerli vaxtla saat 7:25-09:00 arasında baş verib.
Cammu və Kəşmirdən Pəncaba çınqıl daşıyan 53 vaqonlu qatar heyəti dəyişmək üçün Kathuada dayanıb. Səlahiyyətlilərin sözlərinə görə, maşinist və köməkçisi qatardan düşəndə qatar relsdən aşağı sürüşməyə başlayıb.
Qatar 5 stansiyadan keçərək 100 km/saat sürətlə hərəkət edib. Hərəkət edən qatarla bağlı xəbərdarlıq aldıqdan dərhal sonra rəsmilər onun yolundakı dəmiryol relslərinin keçidlərini bağlayıblar.
Qatar yalnız relslərə taxta bloklar qoyulduqdan sonra dayanıb. Hadisə nəticəsində xəsarət alan olmayıb.
