Lİranın cənub-şərqində yeni Çabahar kosmik stansiyasının istismarı 2024-cü ilin ikinci yarısında baş tutacaq. Vətəninfo.az-ın məlumatına görə , bu barədə İran Kosmik Agentliyinin (ITG) rəhbəri Həsən Salariye Mehr agentliyinə bildirib.
“Çabahar kosmik stansiyasının tikintisi hazırda son mərhələdədir. Kosmik stansiyanın birinci mərhələsinin istismarı gələn il baş tutacaq (red. İran reyestrinə görə, 2024-cü il martın 21-dən başlayır ), daha sonra Çabahardan ilk buraxılışlar həyata keçiriləcək”, – deyə o bildirib.
Salariye həmçinin qeyd edib ki, İranda kosmos qurğuları İran Müdafiə Nazirliyi və İslam İnqilabı Keşikçiləri Korpusunun (SEPAH) Aerokosmik Qüvvələrinin nəzarəti altında olan digər obyektlərdən də buraxılır.
ITG rəhbərinin sözlərinə görə, İranın prioritet vəzifəsi dünyanın ən güclü beş kosmik dövləti siyahısına daxil olmaqdır. İran rəsmisinin sözlərinə görə, bu gün İslam Respublikası “ən çox inkişaf etmiş kosmik proqramı olan ilk on ölkəyə daxil olur”. Bundan əlavə, agentlik rəhbəri qeyd edib ki, ölkənin kosmik sənayesinin inkişafının məqsədlərindən biri “başqa dövlətlər üçün peyklərin buraxılması, layihələndirilməsi və istehsalı üzrə xidmətlərin göstərilməsi” imkanlarıdır.
İran kosmik proqramına 2004-cü ildə başlayıb. Rusiya və ABŞ ilə yanaşı, peyk istehsal edən dünyada doqquz ölkədən biridir. İran 1959-cu ildə yaradılan BMT-nin Kosmosdan Sülh Məqsədli İstifadə Komitəsinin 24 təsisçi ölkəsindən biridir.
