Tanınmış iranlı reper Tumac Salehi etirazlara dəstək verdiyi üçün ölüm cəzasına məhkum edilib. Bu barədə CBC News məlumat yayıb.
Sənətçi oktyabr ayında hakimiyyəti tənqid etdikdən və 22 yaşlı Məhsa Əmininin ölümü ilə bağlı nümayişləri açıq şəkildə dəstəklədikdən sonra həbs edilib.
Musiqiçinin yaxınları bildiriblər ki, məhkəmə Tumacı “Allaha qarşı müharibə”də ittiham edib. Bu ittihama görə edam cəzası verilir. Bildirilir ki, reperə, maraqlarını qorumaq üçün şəxsi vəkil tutmaq qadağan edilib.
