Peru prokurorluğu ölkə prezidenti Dina Boluarteyə qarşı qanunsuz varlanma işini araşdırır, bu iş çərçivəsində dövlət başçısı ümumilikdə 500 min dollar dəyərində bahalı zinət əşyalarına sahib olmaqda ittiham olunur. Vətəninfo.az TASS agentliyinə istinadən verdiyi məlumata görə , bu barədə respublikanın baş prokuroru Xuan Karlos Villena Peru Konqres Komitəsində çıxışı zamanı bildirib.
“İttihama həmçinin açıq mənbələrə görə dəyəri 56 min dollar olan Cartier qolbağının olması da daxildir. Eyni mənbələrdən belə nəticə çıxır ki, prezidentin son iki ildə mərasimlər zamanı taxdığı zinət əşyalarının dəyəri 500 min dolları ötür”, – deyə baş prokuror bildirib.
Viliena əlavə edib ki, prokurorluq Boluartenin gəlir bəyannaməsini də araşdırır, ona görə prezidentin son iki ildə təxminən 116 min dollar zənginləşib. Bundan əlavə, araşdırmalar çərçivəsində idarə dövlət başçısının bank hesablarından tapılan 270 min dollara yaxın vəsaitin mənşəyini öyrənmək niyyətindədir.
Ötən həftə hüquq-mühafizə orqanlarının əməkdaşları Peru prezidentinin Boluarte şəhərindəki evində axtarış aparıblar. Respublika Prokurorluğu dövlət başçısını qanunsuz varlanmada şübhəli bilir. Xüsusilə, iqamətgahdan təxminən 13 min dollar dəyərində “Rolex” saatı tapılıb. Hazırda dəbdəbəli obyektlərin hansı gəlir mənbələri hesabına əldə edildiyi müəyyənləşdirilir.
