Finlandiyada keçirilən prezident seçkilərinin ikinci turunda Milli Koalisiya Partiyasının namizədi Aleksandr Stubb qalib gəlib. Vətəninfo.az xəbər verir ki , bu barədə TASS məlumat yayıb.
Qeyd olunur ki, Finlandiya Ədliyyə Nazirliyinin məlumatına görə, səslərin 100 faizi hesablandıqdan sonra Stub 51,6 faizlə liderdir. Sabiq xarici işlər naziri, parlament üzvü Pekka Haavisto 48,4% səs toplayıb. İştirak 67,6% təşkil edib.
Ədliyyə Nazirliyi seçkilərin yekun nəticələrini fevralın 14-də təsdiq edəcək. Hökumət seçkilərin nəticələrini fevralın 15-də, plenar iclasda açıqlayacaq. Respublika Prezidentinin səlahiyyət müddəti mart ayından başlayacaq.
55 yaşlı Aleksandr Stub 2008-2010-cu illərdə xarici işlər naziri vəzifəsini tutub. 2010-2014-cü illərdə Aİ işləri və xarici ticarət naziri olub. O, 2014-2015-ci illərdə Finlandiya hökumətinə rəhbərlik edib. 2020-ci ildən o, Florensiyada Aİ Universitetində Transmilli İdarəetmə Məktəbində dərs demək üçün siyasəti tərk edib.
