“Anadolu Ajansı” xəbər verib ki, dünən İstanbul Baş Prokurorluğunun Terrorla Mübarizə və Şəbəkə Cinayətləri Şöbəsi bu şəhərdə Çin Kəşfiyyat Xidməti ilə əməkdaşlıqda şübhəli bilinən 6 nəfəri saxlayıb.
Məlumata görə, təhlükəsizlik qüvvələri İstanbulda Çinin Sincan Uyğur bölgəsindən bəzi dərnəklər və tanınmış şəxslər haqqında məlumat toplayan 7 nəfəri müəyyən edib.
Qeyd olunub ki, Türkiyə Milli İstihbarat (Kəşfiyyat) Təşkilatı – MİT göstəriş verdikdən sonra həmin şəxslərdən 6-sı İstanbul polisi tərəfindən həbs edilib.
Polisin daha bir şübhəlinin tutulması yönündə axtarışları davam edir.
