Ukrayna Rusiyanın Belqorod şəhərini artilleriya atəşinə tutub. Vətəninfo.az xəbər verir ki, bu barədə Rusiya mediası yazıb. Media yazır ki, bombardman nəticəsində azı 6 nəfər həlak olub, 10 nəfər yaralanıb.
Bundan əvvəl Belqorodr qubernatoru Vyaçeslav Qladkov ukraynalılar tərəfindən gözlənilən təhlükə ilə əlaqədar sakinləri pəncərələri olmayan möhkəm divarları olan otaqlara sığınmağa çağırıb.
Qeyd olunur ki, raketin parçaları Lermontov küçəsindəki “Maqnit” mağazası və 42 nömrəli məktəbin ərazisinə düşüb.
Eyni zamanda, Rusiya Federasiyasının Müdafiə Nazirliyi Moskva vaxtı ilə təxminən saat 12:30-da Belqorod vilayətinin səmasına Ukrayna tərəfindən atılan 14 mərminin düşdüyünü bildirib.
