Ukraynanın müdafiə naziri Aleksey Reznikov işğaldan azad edilmiş Çernobaevkada yerləşən “Xerson” beynəlxalq hava limanında olub.
Bu barədə o, “Twitter” səhifəsində yazıb.
Nazir hava limanından fotosunu da paylaşıb.
“Bunlar Çernobaevkadakı Xerson beynəlxalq hava limanının lövhəsinin qalıqlarıdır. Ruslar şəhərin adının ilk üç hərfini tərcüməçi olmadan başa düşəcəklər – və bu, Ukraynadan ala biləcəkləri yeganə şeydir” – o, qeyd edib.
Xatırladaq ki, Ukrayna hərbçiləri Çernobaevkanı noyabrın 11-də azad ediblər.
