Qəzza zolağının xəstəxanalarında aclıqdan ölən fələstinlilərin sayı 27-yə çatıb. Vətəninfo.az xəbər verir ki, bu barədə “Əl-Cəzirə” telekanalı məlumat yayıb.
Onun məlumatına görə, Qəzzanın şimalında yerləşən Kamal Advan xəstəxanasında iki uşaq kəskin susuzluq və qida çatışmazlığından dünyasını dəyişdikdən sonra aclıqdan ölənlərin ümumi sayı 27-yə çatıb.
Bundan əvvəl Ümumdünya Səhiyyə Təşkilatı (ÜST) sığınacaqlarda və xəstəxanalarda olan uşaqların 15 faizindən çoxunun kəskin qida çatışmazlığından əziyyət çəkdiyini, onların təxminən 3 faizinin isə ciddi şəkildə arıqladığını bildirmişdi. ÜST həmçinin vurğuladı ki, son aylarda Qəzzada qidanın kəskin azalması görünməmiş bir hadisədir.
