Aralıq dənizində rezin qayığın mühərrikinin sıradan çıxması nəticəsində azı 60 miqrant ölüb.
Vətəninfo.az xəbər verir ki , bu barədə sağ qalanlara istinadən BBC məlumat yayıb.
SOS Méditerranée humanitar qrupunun idarə etdiyi Ocean Viking gəmisi tərəfindən 25 nəfər xilas edilib.
Sağ qalanlar 7 gün əvvəl Liviya sahillərindəki Zaviyə şəhərini tərk etdiklərini bildiriblər.
Üç gün sonra gəminin mühərriki xarab olub, insanlar yeməksiz və susuz qalıb.
Sağ qalanlar qurbanlar arasında ən azı 1 uşağın olduğunu bildiriblər.
Sağ qalanların hamısına tibbi yardım göstərilir. Vəziyyəti ağır olanlardan ikisi sonrakı müalicə üçün təyyarə ilə Siciliyaya aparılıb.