Fransa 2024-cü ilin yayında Parisdə keçiriləcək Olimpiya Oyunlarının təhlükəsizliyi üçün hərbi kontingentini 20 min nəfərə çatdıracaq. Vətəninfo.az xəbər verir ki, bu barədə Fransa Quru Qoşunlarının Baş Qərargah rəisi Pyer Şillə istinadən “Frans Press” agentliyi məlumat yayıb.
“Olimpiya Oyunları ölkəmiz üçün son dərəcə mühüm hadisə olacaq. Silahlı qüvvələr bu kritik anda orada olacaq və biz silahlı qüvvələrdən və quru qoşunlarından təxminən 20 000 kişi və qadını yerləşdirəcəyik”.
Şill izah etdi ki, hərbçilər olimpiya məşəli estafet iştirakçılarını bütün ölkə boyu müşayiət edəcəklər. Müsabiqə zamanı onlar ölkə daxilində polis, jandarma və digər xidmətlərə dəstək verəcəklər.
Hərbçilərin qoruyacağı ən mühüm məntəqələrdən biri Sena çayının çay limanı olacaq. Bir neçə min hərbçi Parisin şərqində, Bois de Vincennes yaxınlığındakı Şamp de Reilsdəki səhra düşərgəsində yerləşdiriləcək.
Xatırladaq ki, Paris Olimpiya Oyunları 2024-cü il iyulun 26-dan avqustun 11-dək keçiriləcək. Dekabrda BOK müəyyən idman növlərinin nümayəndələri istisna olmaqla, Rusiya və Belarus idmançılarının Oyunlara bitərəf kimi qəbul edildiyini elan edib. onlara öz ölkələri ilə hər hansı əlaqə nümayiş etdirmək qadağan ediləcək.
