ABŞ-ın Kaliforniya ştatının İrvin şəhərində Federal Təhqiqatlar Bürosunun (FTB) təlim mərkəzində baş verən partlayış nəticəsində 16 nəfər xəsarət alıb. Bu barədə Vətəninfo.az CBS News-a istinadən xəbər verir .
Hadisə martın 13-də yerli vaxtla günorta saatlarında baş verib.
“Partlayışın səs dalğası səbəbindən yaralılardan 13-ü başgicəllənmə və qulaq ağrısından əziyyət çəkir… Zərərçəkənlərdən ikisi ayağından yaralanıb, onlardan birinin əməliyyata ehtiyacı olub. Digər qurban belindən zədə alıb, lakin əməliyyat tələb olunmayacaq”, – Orange County Şerif Departamenti bildirib.
Şerif nümayəndəsinin sözlərinə görə, insident istehkamçıların və xüsusi təyinatlıların birgə təlimi zamanı baş verib, lakin partlayışın səbəbi hələ də məlum deyil.
Hazırda FTB hadisəni araşdırır.
