Almaniyanın iki nazirliyinin rəhbəri evlənmək qərarına gəlib.
Vətəninfo.az xəbər verir ki, Saksoniyanın ədliyyə naziri Katja Mayer və Şimali Reyn-Vestfaliyanın Bərabərlik naziri Jozefin Pol bir neçə ildir birlikdədirlər və indi evlənmək qərarına gəldiklərini açıqlayıblar.
Onlar Almaniyanın siyasi arenasında ilk belə cütlük olacaqlar. Qadınlar “Bunte” jurnalına nişanları barədə danışıblar.
Qadınlar heç nə gizlətməməyə çalışaraq 2021-ci ildə münasibətlərini açıq elan etdilər.
Myers o zaman demişdi ki, bir insanın heteroseksual və ya homoseksual həyat sürməsindən asılı olmayaraq, şəxsi həyatı haqqında necə açıq olacağına qərar vermək hər kəsin işidir. O, əmindir ki, siyasətçilərin səmimiyyəti başqalarına öz şəxsiyyətini göstərmək üçün nümunə olacaq.
Almaniyada eynicinslilərin nikahı 2017-ci ildə qanuniləşdirilib. O vaxtdan bəri ölkədə 65 mindən çox eynicinsli cütlük evlənib.
