İsrailin müdafiə naziri Yoav Qalant İranın mümkün hücumundan əvvəl ordu komandanlığını və təhlükəsizlik xidmətinin rəhbərliyini toplayıb.
Vətəninfo.az xəbər verir ki, bu barədə məlumatı Müdafiə Nazirliyinin mətbuat xidməti yayıb.
Hərbçilər İran və onun müttəfiqləri İsrailə zərbə endirməyə cəhd edərsə, görülə biləcək mümkün tədbirləri müzakirə edir.
Xatırladaq ki, ötən gecə “Hizbullah” hərəkatı Livan ərazisindən İsrail ərazisinə raket zərbələri endirib. İsrail Hərbi Hava Qüvvələri buraxılış məntəqələrinə hücum edərək cavab verib.
İran-İsrail eskalasiyasının yeni mərhələsi HƏMAS-ın siyasi qanadının rəhbəri İsmayıl Haniyyənin Tehranda öldürülməsindən sonra başlayıb. İran İsraili qətldə ittiham edir və qisas alacağını vəd edir.
