Vətəninfo.az xəbər verir ki, İranda bu gün ölkənin 290 yerlik parlamentinə seçkilər keçirilir. Ölkənin 87 milyon vətəndaşının 61 milyondan çoxunun səsvermə hüququ var.
Rekord sayda namizədin seçkilərdə iştirakına icazə verilib – 15 000-dən çox, bu, ilkin olaraq seçkilərdə iştirak etmək üçün qeydiyyatdan keçmiş ərizəçilərin ümumi sayının təxminən 75%-ni təşkil edib.
Seçkilərə buraxılmış 1000-dən çox namizəd qadındır. İran Konstitusiyasına görə, parlamentdə 5 yer dini azlıqların nümayəndələrinə ayrılmalıdır.
Habelə bu gün İranın xüsusi dövlət orqanına – ölkənin ali rəhbərini seçən Ekspertlər Şurasına seçkilər keçirilir. Şurada 88 yer uğrunda 144 namizəd mübarizə aparacaq. Ekspertlər Şurası 8 il müddətinə seçilir.