İranda Rask və Çabahar şəhərlərində polis məntəqələrinə hücum edən 15 terrorçu zərərsizləşdirilib. Vətəninfo.az xəbər verir ki, bu barədə İslam İnqilabı Keşikçiləri Korpusu məlumat yayıb.
İran KİV-lərinin qeyd etdiyi kimi, polis məntəqələrinə edilən terror aktı zamanı 8 təhlükəsizlik qüvvəsi həlak olub, 10 nəfər yaralanıb.
İranın təhlükəsizlik nazirinin müavini bundan əvvəl 8 terrorçunun öldürüldüyünü, digərlərinin isə mühasirədə olan yaşayış evində gizləndiyini bildirib.
Hücum gecə saatlarında Rask və Çabahar şəhərlərində baş verib, onu sünni “Ceyş əl-Ədl” qruplaşması həyata keçirib. Təhlükəsizlik qüvvələrinin 3 əməkdaşının öldürüldüyü bildirilib. Rayon hakimiyyəti terrorçuların İsraillə əlaqəli olduğunu bildirib.
