“Deutsche Welle” xəbər verib ki, İsrail rəsmiləri ölkənin hərbi kabinet üzvlərinin bir çoxunun aprelin 14-də İranın raket və dronlarla etdiyi hücumlarına cavab tədbirləri görməyə qərar veridiyini bildiriblər. Bununla yanaşı, həm hücum, həm də müdafiə əməliyyatları üçün hərbi planlar təsdiq edilib.
Məlumata görə, əməliyyatın vaxtı və miqyası ilə bağlı hələlik fikir ayrılıqları var.
Qeyd edək ki, İsrailin baş naziri Benyamin Netanyahu, müdafiə naziri Yoav Qallant və Müharibə Kabinetinin naziri Benni Qantzın qərar qəbul etmə səlahiyyətlərinə malik olduğu 5 nəfərdən ibarət kabinet dünən toplaşıb və növbəti danışıqlar üçün yenidən bir araya gəlməsi gözlənilir.
İsrailin hərbi kabineti İrana qarşı əməliyyatlar keçirmək qərarına gəlib
