Pakistanda minalanmış motosikletin partlaması nəticəsində 2 nəfər ölüb, 5 nəfər yaralanıb.
Vətəninfo.az xəbər verir ki, hadisə Bəlucistan əyalətinin Xuzdar şəhərində baş verib.
Pakistan polisi hücumun minalanmış motosikletlə həyata keçirildiyini açıqlayıb.
Partlayış nəticəsində 2 nəfərin öldüyü, 2-si polis olmaqla 5 nəfərin yaralandığı bildirilib.
Qeyd edək ki, Pakistanda ən çox terror aktları Bəlucistan və Xayber Paxtunxva əyalətlərində törədilir.
2024-cü ilin birinci rübündə bu 2 ştatda 200 terror aktı həyata keçirilib, nəticədə 281 nəfər həyatını itirib.
Pakistanda partlayış törədilib, ölən və yaralananlar var
