Polşa prezidenti Anjey Dudanın təyyarəsi ABŞ-a səfəri zamanı qəzaya uğrayıb. Vətəninfo.az xəbər verir ki, bu barədə Polşanın “Fakt” qəzeti xəbər tutub .
Qəzetin yazdığına görə, təyyarədə monitor sistemi sıradan çıxıb.
Bu vəziyyətdə, prosedurlara görə, təyyarə Polşaya qayıdır, lakin sərnişinləri daşıya bilmir.
Əks istiqamətdə uçuş üçün təlimata uyğun olaraq ABŞ-a “ehtiyat” kimi gələn ikinci təyyarədən istifadə olunacaq.
Ehtiyat təyyarənin uçuş məsafəsi daha qısa olduğundan, marşrut bir qədər dəyişdiriləcək, yanacaq doldurmaq üçün əlavə dayanacaq tələb olunacaq.
Qəzetin qeyd etdiyi kimi, bu məqsədlə prezident təyyarəsi Azor adalarına enəcək.
Dudanın NATO-nun baş katibi Yens Stoltenberqlə cümə axşamı Brüsseldə planlaşdırılan görüşü vaxtında baş tutacaq.
