Qazaxıstan xilasediciləri daşqınlar səbəbindən bir sıra yaşayış məntəqələrindən 85 mindən çox insanı təxliyə ediblər. Vətəninfo.az məlumatına görə , bu barədə Qazaxıstan Fövqəladə Hallar Nazirliyinin Mülki Müdafiə və Hərbi Birliklər Komitəsinin baş zabiti Saipaş Yerasilə istinadən TASS məlumat yayıb.
“Mülki müdafiə xidmətləri 85 mindən çox insanı, o cümlədən 30 minə yaxın uşaqı xilas edib və təxliyə edib. Müvəqqəti sığınacaqlarda 8349 nəfər var, onlardan 3809-u uşaqdır”, – deyə o, brifinqdə bildirib.
Fövqəladə Hallar Nazirliyi və yerli icra orqanları tərəfindən 8 milyon kubmetrdən çox su vurulub.
Daşqınlarla əlaqədar ölkənin 9 rayonunda yerli fövqəladə vəziyyət rejimi saxlanılır. Fövqəladə xilasetmə işlərinə 16 minə yaxın insan və 2500-dən çox texnika cəlb olunub.
