Odessa Krımdan güclü raket hücumuna məruz qalıb. Vətəninfo.az xəbər verir ki, bu gecə hava xəbərdarlığının elanından sonra şəhərdə güclü partlayış səsləri eşidilib.
Hərbi müşahidəçi Oleksandr Kovalenkonun sözlərinə görə , zərbə işğal olunmuş Krım ərazisindən endirilib.
“Odesa Krımdan güclü ballistik atəşə məruz qalır. Sığınacaqlarda qalın”, – Kovalenko vurğulayıb.
UNİAN-ın verdiyi məlumata görə, martın 2-də Rusiya Odessada çoxmərtəbəli yaşayış binasına pilotsuz uçan aparatla hücum edib, 5-i uşaq olmaqla 12 nəfər həlak olub.
Ukrayna Silahlı Qüvvələrinin Hərbi Dəniz Qüvvələrinin nümayəndəsi Dmitri Pletençuk beş nəfərin öldüyünü təsdiqləyib.
