Ukrayna silahlı qüvvələri Rusiyanın ölkə ərazisinə pilotsuz təyyarələr, qanadlı və ballistik raketlərlə kütləvi hücumlar təşkil etdiyini bildirib.
Vətəninfo.az-ın məlumatına görə , Ukrayna Silahlı Qüvvələrinin mesajında bildirilir ki, ölkənin hava hücumundan müdafiə sistemləri atılan 99 hava hədəfindən 84-nü məhv edib: 58 PUA və 26 raket məhv edilib.
Əsasən Ukraynanın yanacaq-energetika sektorunun obyektləri hədəfə alınıb.
Dnepropetrovsk vilayətində bir neçə enerji obyekti zədələnib, 6 nəfər xəsarət alıb.
Vinnitsa vilayətində PUA fərdi yaşayış evinə, Çerkassı vilayətində isə enerji infrastrukturu obyektinə dəyib.
“Ukrenerqo” şirkəti Rusiyanın zərbələri nəticəsində Dnepropetrovsk vilayətində fövqəladə elektrik enerjisinin kəsildiyini, Xarkov vilayətində elektrik təchizatının qrafikə uyğun həyata keçirildiyini açıqlayıb.
