Bu gün Tehranın “Xomeyni” və Mehrabad beynəlxalq hava limanları fəaliyyətlətini bərpa edib.
Vətəninfo.az xəbər verir ki,Mehrabad hava limanının rəhbəri İbrahim Muradi bildirib ki, Mülki Aviasiya Təşkilatının verdiyi göstəriş əsasında bütün uçuş məhdudiyyətləri ləğv edilib və hava limanına qəbul prosesi səhər saat 05:30-dan başlayıb.
Xatırladaq ki, SEPAH qüvvələri aprelin 14-nə keçən gecə İsrailin hərbi obyektlərinə raket və dronlarla zərbə endirdikdən sonra İranın 16 şəhərində hava limanlarının fəaliyyəti dayandırılmışdı.
Qeyd edək ki, fəaliyyəti dayandırılan hava limanları arasında Təbriz aeroportu da yer alırdı.
Tehran aeroportları İsrailə hücumlardan sonra fəaliyyətini bərpa edib
