Avstraliyalı milyarder Klayv Palmer yenidən “Titanik 2” gəmisini yaratmaq fikrinə düşüb.
Vətəninfo.az xəbər verir ki, bu barədə Daily Mail məlumat yayıb.
Laynerin yeni versiyasının 2027-ci ildə ilk səyahətinə çıxacağı gözlənilir.
Palmerin sözlərinə görə, onun layihəsi orijinaldan daha yaxşı olacaq. 56 min ton yerdəyişmə qabiliyyətinə malik doqquz göyərtəli gəminin dəyəri 1 milyard dollar qiymətləndirilir. Gəmi 2500-ə qədər sərnişin daşıya biləcək.
Onun tikintisinə isə 2025-ci ilin qışında başlanacağı gözlənilir.
“Titanik 2” həmçinin bütün müasir avadanlıqlarla, ən son naviqasiya və təhlükəsizlik sistemləri ilə təchiz olunacaq.
Qeyd edək ki, aprelin 14-də axşam saatlarında Titanik aysberqlə toqquşub və ertəsi gün 2200-dən çox insanla batıb. Laynerinin faciəvi ilk səyahətindən yalnız 700-ə yaxın sərnişin sağ qalıb. Axşam.az
