Cənubi Karolinanın keçmiş qubernatoru Nikki rəqibi Donald Trampın Respublikaçılar Partiyasından prezidentliyə namizəd olması perspektivləri ilə bağlı kifayət qədər sərt şərh verib və belə bir ssenarini ABŞ üçün intihar adlandırıb. Vətəninfo.az xəbər verir ki, Heyli bu barədə “The Wall Street Journal”a müsahibəsində bildirib.
Respublikaçıların prezidentliyə namizədini dəstəkləyib-dəstələməyəcəyini soruşduqda Heyli belə cavab verdi: “Deyim ki, Donald Trampla bağlı ciddi narahatlığım var”.
O xatırladıb ki, Ağ Evin keçmiş rəhbərinə federal və ştat üzrə dörd ayrı iş üzrə 91 cinayət ittihamı irəli sürülüb.
“Bu (prezidentlik kampaniyası – red.) onun sağ qalmasının, məhkəmə xərclərini ödəməsinin və hansısa hüquqi təhlükədən qurtulmasının yolu ola bilər, amma bizim ölkə üçün bu, intihar kimi görünür”, – deyə siyasətçi bildirib.
Nikki Heyli son günlər ştat seçkilərindəki uduzması fonunda Donald Trampa qarşı tənqidlərini kəskin şəkildə artırıb. Bu arada Haley, Super Çərşənbə axşamı praymerizinin təyin olunduğu martın 5-nə qədər namizədlik uğrunda mübarizədə qalacağına söz verib.
