Türkiyənin Nevşehir şəhərində üç avtomobilin iştirakı ilə baş vermiş zəncirvari yol-nəqliyyat hadisəsi üç nəfərin ölümü, altı nəfərin yaralanması ilə nəticələnib. Vətəninfo.az xəbər verir ki, bu barədə “TRT Haber” bildirib.
Telekanala görə, hadisə Nevşehir – Kayseri şosesinin Bozca qovşağının yaxınlığında olub.
Ölən və yaralıların adları hələ açıqlanmayıb. Xəsarət alanlar yaxınlıqdakı xəstəxanaya yerləşdiriliblər.
Faktla bağlı araşdırma aparılır.
