Yəmənin “Ənsar Allah” üsyançı hərəkatının husiləri Qırmızı dənizdə ABŞ-a məxsus sayılan Pinocchio ticarət gəmisinə hücum edib. Vətəninfo.az xəbər verir ki, bu barədə hərəkatın nümayəndəsi Yəhya Səriya məlumat verib.
“Yəmən Hərbi Dəniz Qüvvələri Qırmızı dənizdə əməliyyat keçirərək, Amerikanın “Pinocchio” gəmisinə bir neçə gəmi əleyhinə raketlə hücum edib. Dəqiq zərbə vuruldu”, – Saria husilərə məxsus Al Masirah telekanalında deyib.
“Ənsar Allah”ın nümayəndəsi həmçinin bəyan edib ki, husilər müqəddəs Ramazan ayında “məzlum və zülmə məruz qalan Fələstin xalqına” dəstək olaraq “hərbi əməliyyatlarını” genişləndirmək niyyətindədirlər.
Dəniz Hərəkəti Xidmətinin məlumatına görə, Pinocchio Liberiya bayrağı altında Səudiyyə Ərəbistanının Ciddə şəhərindən Süveyş kanalı limanlarından birinə doğru üzür. Gəmi sonuncu dəfə Moskva vaxtı ilə saat 02.32-də yerini bildirdi. Ciddədən 40 kilometr cənubda yerləşir. Gəminin sahibi və operatoru haqqında məlumat xidmətin saytında mövcud deyil.
