Danimarkanın Ukraynaya ilk F-16 qırıcı təyyarələrinin tədarükü altı aya qədər təxirə salınıb. Vətəninfo.az-ın məlumatına görə , bu barədə Danimarka Müdafiə Nazirliyi məlumat yayıb.
Danimarka əvvəlcə ilin əvvəlində F-16 təyyarələrini Ukraynaya təhvil verməyi planlaşdırırdı.
“Mövcud qrafikə əsasən, transferin 2024-cü ilin ikinci rübündə həyata keçirilməsi planlaşdırılır”, – Danimarka Müdafiə Nazirliyinin açıqlamasında deyilir.
Danimarka və Hollandiya Ukraynaya Amerika F-16 qırıcıları verməyə razılaşan ilk ölkələr olub. Ağ Ev təsdiq edib ki, Ukrayna pilotları təlim keçdikdə üçüncü ölkələrdən qırıcı təyyarələr alacaq. Hollandiyanın müdafiə naziri Kaisa Olonqren 2024-cü ildə ilk F-16 döyüş təyyarələrini Kiyevə göndərməyi gözlədiklərini açıqlayıb.
