Hindistanın qərbindəki Qucarat ştatında son sutka ərzində ildırım vurması nəticəsində azı 20 nəfər ölüb. Vətəninfo.az -ın məlumatına görə , ştatın Fövqəladə Hallar Mərkəzindən bildirilib ki, ştatda ilin bu vaxtı qeyri-adi güclü tufanlar qeydə alınıb.
“Hələlik Qucaratın müxtəlif yerlərində ümumilikdə 20 ölüm faktı qeydə alınıb. Bütün bu hallar noyabrın 26-da ştatda tüğyan edən mövsümi olmayan yağışlar zamanı baş verən ildırım vurmaları ilə bağlıdır”, – TASS departamentin bəyanatından sitat gətirir.
Leysan yağışları Qucaratın müxtəlif bölgələrində də əkin sahələrinə ziyan vurub. Hindistan Meteorologiya İdarəsi bildirib ki, 16 saat ərzində ştatın müxtəlif bölgələrində 50 mm-dən 117 mm-ə qədər yağıntı qeydə alınıb. Meteoroloqların proqnozuna görə, noyabrın 27-də yağıntılar azalacaq.
