“Mülki insanları öldürən şəxsləri (HƏMAS-ı nəzərdə tutur) məhv etməkdən başqa seçim yoxdur”.
Vətəninfo.az xəbər verir ki, bunu amerikalı milyarder, iş adamı İlon Mask İsrail prezidenti İsaak Hersoqla görüşü zamanı deyib.
İnsanların öldürüldüyü yerləri görmək emosional cəhətdən çətin idi. Mən bununla bağlı indicə baş nazirlə (Binyamin Netanyahu) danışdım.
Düşünürəm ki, Qəzzada üç şey edilməlidir. Dinc insanları (İsrailləri) öldürən şəxsləri məhv etməkdən başqa çarə yoxdur. Onlar (HƏMAS) fikirlərini dəyişmək istəmirlər.
İkincisi, təhsil sistemini dəyişdirməlidirlər ki, yeni qatillər nəsli yetişməsin.
Üçüncüsü, rifah əldə edilməlidir. Bu da çox vacibdir”, deyə o, qeyd edib.
