Suriya hava hücumundan müdafiə qüvvələri Dəməşq istiqamətində atılan bir neçə raketi vurub. Vətəninfo.az-ın məlumatına görə , bu barədə SANA agentliyi hücumun İsrail tərəfindən həyata keçirildiyini qeyd edib.
Agentliyin məlumatına görə, hücum yerli vaxtla saat 10:02-də işğal altında olan Qolan təpələri istiqamətindən həyata keçirilib, kənd ərazilərindəki bir neçə hərbi obyekt hədəfə alınıb.
“Zenit müdafiə qüvvələrimiz hücuma cavab verib və raketlərin bir hissəsini vurub”, – agentliyin hərbi idarədəki mənbəsi bildirib.
Hadisə nəticəsində xəsarət alan olmayıb, maddi ziyan dəyib.