İsrail Hərbi Hava Qüvvələri Suriya hərbçilərinin Dəməşq yaxınlığındakı mövqelərinə raket zərbəsi endirib. Vətəninfo.az xəbər verir ki , bu barədə SANA agentliyi Suriya Silahlı Qüvvələri Komandanlığının nümayəndəsinə istinadən məlumat yayıb.
Onun sözlərinə görə, Suriyanın HHM qüvvələri düşmən hədəflərini atəşə tutub. “Suriya hava hücumundan müdafiə qüvvələri İsrailin təcavüzkar hücumunu əks-hücumla dəf edə bilib, düşmənin bəzi raketləri paytaxta yaxınlaşarkən vurulub”, – komandanlığın nümayəndəsi bildirib.
O, Dəməşqə hücumun 01:20-də Qolan təpələri tərəfindən həyata keçirildiyini izah edib. “Nəticədə maddi ziyan dəyib, şəxsi heyət arasında itki olmayıb”, – nümayəndə bildirib.