İsrailin Baş naziri Benyamin Netanyahu radikal Həmas qruplaşmasının yaraqlıları tərəfindən oğurlananların qohumları ilə görüşü zamanı Qəzzada girovların azad edilməsi üçün danışıqların aparıldığını açıqlayıb. Vətəninfo.az xəbər verir ki, bu barədə “The Jerusalem Post” (JP) qəzeti məlumat yayıb.
Netanyahunun sözlərinə görə, Misir və Qətər girovların qaytarılmasına töhfə verir.
“Mən danışıqların statusu barədə ətraflı məlumat verə bilmərəm, lakin biz hamını evə qaytarmağa çalışırıq. Məqsədimiz budur”, – deyə baş nazir bildirib.
Bundan əvvəl Pakistanın müvəqqəti baş naziri Ənvər-ül-Haq Kakar Fələstinlə həmrəylik əlaməti olaraq Pakistanın bütün Yeni il qeyd etmələrini qadağan etdiyini açıqlamışdı.
