İsrail ordusu mühasirə altındakı Qəzza zolağında baş verən qarşıdurmalarda həlak olan əsgərlərin sayının 68-ə yüksəldiyini bildirib.
Vətəninfo.az xəbər verir ki, ordudan verilən yazılı açıqlamada Qəzzanın şimalında baş verən qarşıdurmalarda daha 2 İsrail əsgərinin öldüyü bildirilib.
Açıqlamada Qəzzanın şimalında baş verən qarşıdurmalarda 5 İsrail əsgərinin ağır yaralandığı vurğulanıb.
İsrail ordusunun açıqlamasına görə, oktyabrın 27-dən bəri Qəzzada baş verən qarşıdurmalarda həlak olan İsrail əsgərlərinin sayı 68-ə yüksəlib.
Xatırladaq ki, ”Həmas”ın silahlı qanadı İzzəddin əl-Qəssam Briqadaları İsrailin fələstinlilərə və onların müqəddəs dəyərlərinə qarşı davamlı pozuntularına cavab olaraq oktyabrın 7-də səhər saatlarında hərtərəfli hücuma keçib. İsrail qüvvələri də buna cavab olaraq Qəzza zolağına intensiv hücumlara başlayıb.
İsrail oktyabrın 7-dən bu yana 310-dan çoxu əsgər olmaqla 1200-dən çox israillinin öldüyünü, 5132 nəfərin yaralandığını açıqlayıb.
İsrailin məlumatına görə, Qəssam Briqadalarının əlində 239 israilli girov var.
Qəzzadakı hökumətinin məlumatına görə, İsrailin oktyabrın 7-dən bu yana həyata keçirdiyi hücumlarda əksəriyyəti uşaq və qadın olmaqla 13 mindən çox insan Qəzza zolağında həlak olub.
