ABŞ-ın keçmiş prezidenti Donald Trampın cinayət təqibi nəhəng Pandora qutusunu açıb, çünki toxunulmazlığı ləğv edilərsə, ABŞ-ın hazırkı lideri Co Bayden də ittiham oluna bilər. Vətəninfo.az xəbər verir ki, Tramp bu barədə Truth Social-da yazıb.
“Mənim toxunulmazlığım yoxdursa, korrupsioner Co Bayden də olmayacaq. Sərhədi keçən miqrantların şəhəri işğal etməsi və yaxud Əfqanıstanın təslim olması Baydeni ittiham etmək üçün kifayət edərdi. Milyonlarla dollar xarici pulun cibində olduğu ortaya çıxdı. Ədliyyə Departamentini siyasi rəqibinə, mənə qarşı silahlandırmaqla Co nəhəng Pandoranın qutusunu açdı”, – Tramp bildirib.
