Əlverişsiz hava şəraiti ilə əlaqədar Moldova hakimiyyəti Ukraynanın Odessa vilayəti ilə həmsərhəd olan bir neçə keçid məntəqəsinin işini müvəqqəti dayandırıb. Vətəninfo.az xəbər verir ki, bu barədə Ukrayna Dövlət Sərhəd Xidməti məlumat yayıb.
Departamentin məlumatına görə, əlverişsiz hava şəraiti ilə əlaqədar Moldovanın Kauşan qəsəbəsinin keçid məntəqəsində problem yaranıb və bu, magistralın həddindən artıq yüklənməsinə səbəb olub.
Bununla əlaqədar Moldova tərəfi Mayaki-Palanka-Udobnoe və Starokazachie-Tudora keçid məntəqələrindən avtonəqliyyat vasitələrinin keçidini müvəqqəti dayandırmaq qərarına gəlib.
