Rusiya prezidenti Vladimir Putin bildirib ki, ABŞ hamını “Krokus” terror aktında Kiyev izinin olmadığına inandırmağa çalışır. O, bu fikri “Krokus Siti Holl”da baş verən terror aktından sonra görülən tədbirlərlə bağlı iclası açarkən deyib.
“Biz onu da görürük ki, ABŞ müxtəlif kanallarla öz müttəfiqlərini və dünyanın digər ölkələrini inandırmağa çalışır ki, onların kəşfiyyat məlumatlarına görə, Moskva terrorunda guya Kiyev izi yoxdur. Qanlı terror aktı İslam dininin ardıcılları, Rusiyada qadağan olunmuş İŞİD təşkilatının üzvləri tərəfindən həyata keçirilib”, – Rusiya prezidenti bildirib.
