Rusiya prezidentinin mətbuat katibi Dmitri Peskov jurnalistlərə bildirib ki, Qərb ölkələri Ukraynaya qoşun yeritmək imkanını müzakirə etməklə “odla oynayır”. Vətəninfo.az xəbər verir ki, o Fransa prezidenti Emmanuel Makronun belə bir təklifi faktını təhlükəli adlandırıb.
Kremlin sözçüsü qeyd edib ki, Moskva NATO qoşunlarının Ukraynaya göndərilməsi ilə bağlı Qərbdən “çoxlu sayda ziddiyyətli bəyanatlar” eşidir, lakin “bunu müzakirə etmək təhlükəlidir”. O qeyd edib ki, Makronun “bu məsələ ilə bağlı müzakirəyə başlamaq lazımdır” bəyanatları Qərbin “Rusiyanın strateji məğlubiyyətə uğraması üçün” ehtiyac duyduğu arqumentlər fonunda eşidilir.
“Onların hamısı odla oynayırlar”, – Peskov vurğulayıb və əlavə edib ki, alman zabitləri ilə birlikdə Rusiyaya zərbələr endirilməsi müzakirə olunur, bütün bunlar “vəziyyətin daha da gərginləşməsinə” gətirib çıxarır.
“Əlbəttə, bu, son dərəcə məsuliyyətsiz davranışdır”, – Kreml nümayəndəsi baş verənləri dəyərləndirib.
Peskov qeyd edib ki, “Moskva üçün əsas məqsəd məqsədlərinə çatmaqdır”.
