Rusiyanın Belqorod vilayətinin atəşə tutulması nəticəsində ölənlərin sayı 4-ə çatıb, daha 4 nəfər yaralanıb. Vətəninfo.az-ın məlumatına görə , bu barədə qubernator Vyaçeslav Qladkov Telegram kanalında məlumat verib.
Nikolskoye kəndində martın 18-də vurulmuş fərdi yaşayış evinin dağıntıları altından 2 qadının meyiti çıxarılıb. Atışma nəticəsində 17 yaşlı gənc və 1 nəfərin həlak olduğu barədə daha əvvəl məlumat vermişdik . Ailənin kiçik qızı qapalı kəllə-beyin travması ilə xəstəxanadadır.
Martın 18-də axşam saatlarında Belqorodun Qraivoron rayonunda atəşə tutulması nəticəsində daha 1 nəfər həlak olub, 2 nəfər yaralanıb.
Voronej qubernatoru, öz növbəsində, martın 18-də axşam saatlarında radioelektron döyüş vasitələrinin təyyarə tipli pilotsuz uçuş aparatını ələ keçirdiyini, itkilərin olmadığını və “ciddi nəticələrin” olmadığını bildirib.
