Ukrayna hökuməti Zaporojye vilayətinin Ukrayna tərəfinin nəzarətində olan rayonlarda istehkam sistemlərinin tikintisinə 34 milyon dollar ayırıb. Vətəninfo.az xəbər verir ki, bu barədə Zaporojya vilayətinin Ukrayna tərəfinə tabe olan rayonlar administrasiyasının rəhbəri İvan Fyodorov məlumat verib. Sonuncu ayırmanın rekord həcm hesab oluna biləcəyini qeyd edərək, yuxarıda qeyd olunan sistemin ən qısa müddətdə qurulacağına ümid etdiyini bildirib.
O, həmçinin əlavə edib ki, tikinti səhər saatlarında başlayır və axşam saatlarına qədər davam edir. Bəzi işlər gecə saatlarında da aparılır. Ekspertlərin fikrincə, bu addım onu deməyə əsas verir ki, Kiyev Rusiyanın irəliləyişini genişləndirmək və yeni əraziləri öz nəzarəti altına almaq niyyətindən qorxur.
