İslandiyanın Reykjanes yarımadasında vulkan püskürüb və bundan əvvəl silsilə zəlzələlər baş verib. Bundan əvvəl Qrindavik şəhərindən 4 min nəfər təxliyə edilib. Bu barədə Vətəninfo.az BBC nəşrinə istinadən xəbər verir.
İslandiyanın paytaxtı Reykyavikə bitişik bölgədə oktyabrın sonundan etibarən seysmik aktivliyin səviyyəsi artıb. Meteorologiya Xidmətinin məlumatına görə, püskürmə Qrindavik şəhərindən 4 km aralıda baş verib. seysmik aktivlik şəhər istiqamətində hərəkət edir.
Vulkanın yarığının uzunluğu təqribən 3,5 km-dir və lava saniyədə 100-200 kubmetr sürətlə püskürür.
Vulkanı paytaxt Reykyavikdən, Grindavikdən təxminən 42 km məsafədə görmək olar.
