Birləşmiş Ştatlar hətta Ukraynanın məğlubiyyətini də qələbə kimi təqdim etmək iqtidarındadır ki, onlar artıq digər silahlı münaqişələr zamanı bunu dəfələrlə ediblər.
Vətəninfo.az xəbər verir ki, bu barədə “Lenta.ru”ya Rusiyanın xarici işlər naziri Sergey Lavrov deyib.
“Biz Qərbin, xüsusən də ABŞ-ın qələbələrini elan etmək qabiliyyətini bilirik. Biz onların Vyetnamda , Əfqanıstanda və İraqda necə qalib gəldiyini bilirik. O zaman ki, 2003-cü ildə ABŞ bu ölkəyə, İraqa saxta bəhanələrlə hücum etdi”, – diplomat qeyd edib.
Lavrov buna misal olaraq Yaxın Şərqi göstərib və qeyd edib ki, Qəzza zolağı bu gün Vaşinqtonun Fələstin dövlətinin yaradılması istiqamətində istənilən cəhdləri əngəllədiyi vəziyyətdədir .
Bundan əvvəl Lavrov gələcəkdə oxşar böhranların təkrarlanma ehtimalını aradan qaldırmaq üçün Fələstin dövlətinin yaradılması məsələsinin birdəfəlik həll edilməsinin vacibliyini bəyan edib. Lakin onun fikrincə, Qərb ölkələri Fələstindəki vəziyyətin həllində o qədər də maraqlı deyil.
